Comhairle Airí Eacnamaíocha agus Airgeadais a ullmhú (ECOFIN)

An 9 Nollaig sa Bhruiséil, beidh an Leas-Uachtarán Georgieva, an Leas-Uachtarán Katainen, an Coimisinéir Hill agus an Coimisinéir Moscovici rannpháirteach i gcruinniú Chomhairle Airí Eacnamaíochta agus Airgeadais an AE.

Tá roinnt tograí reachtacha i réimse an chánachais ar an gclár oibre: tá an Chomhairle le teacht ar chomhaontú polaitiúil maidir le clásal frith-mhí-úsáide na Treorach Máthairchuideachta agus cinnfidh sí ar mhalartú éigeantach faisnéise i réimse an chánachais. Tabharfar na hAirí cothrom le dáta freisin maidir leis an obair ar an gComhchánach ar Idirbhearta Airgeadais. Iarrfar ar an gComhairle teacht ar chomhaontú maidir le dréacht-rialachán lena gcinnfear na ranníocaíochtaí a bheidh le híoc ag bainc le ciste aonair réitigh an AE. Maidir le gníomhaíochtaí neamhreachtacha, tíolacfaidh an Coimisiún don Chomhairle Plean Infheistíochta don Eoraip, mar aon le hobair chomhthascfhórsa an Choimisiúin- an Bhainc Eorpaigh Infheistíochta a bunaíodh i mí Mheán Fómhair chun tionscadail infheistíochta a d’fhéadfadh a bheith inmharthana a shainaithint.

Déanfaidh an Coimisiún freisin an Suirbhé Bliantúil Fáis 2015 agus an Tuarascáil ar an Sásra Foláirimh 2014 a thíolacadh don Chomhairle, a léiríonn seoladh an tSeimeastair Eorpaigh agus seoladh an timthrialla faireacháin ar na Macra-mhíchothromaíochtaí faoi seach. Cuirfear tuarascáil bhliantúil na Cúirte Iniúchóirí ar chur chun feidhme bhuiséad an AE do 2013 faoi bhráid na nAirí freisin. Cuirfear críoch leis an ócáid ​​ag preasagallamh.

Comhroinn an t-alt seo: