Dhá dhúshlán mhóra don Eoraip: Infheistíocht agus comharsanachta thoir

An 18 Nollaig, dhírigh ceannairí an AE ar an dá dhúshlán is tábhachtaí san Eoraip: infheistíocht a threisiú, agus an staid ag a teorainneacha thoir.

• Conclúidí ón gComhairle Eorpach - 18 Nollaig 2014 

Ba í an chéad Chomhairle Eorpach í a raibh Donald Tusk ina chathaoirleach air pcónaitheach agus lean sé formáid níos giorra, 'cruinniú mullaigh aon lae'. Cheadaigh sé do cheannairí an AE cinntí soiléire a dhéanamh agus treoshuímh níos daingne a leagan síos maidir leis na nithe seo a leanas:

Infheistíocht a dhéanamh san Eoraip

Bhreathnaigh ceannairí AE ar bhealaí chun an timpeallacht infheistíochta san Eoraip a fheabhsú agus dúirt siad go raibh gá leis an bhfeabhsúchán sin chun athchóirithe struchtúracha agus comhdhlúthú fioscach a rinne na Ballstáit a atreisiú.

An Ciste Eorpach um Infheistíocht Straitéiseach (CEIS)

Thacaigh siad le cruthú an Chiste Eorpaigh le haghaidh Infheistíochta Straitéisí, scéim €315 billiún arna nochtadh ag an gCoimisiún Eorpach i mí na Samhna.

D’iarr ceannairí AE go mbeadh an ciste ar bun faoi mhí an Mheithimh ionas gur féidir na chéad tionscadail infheistíochta a rolladh amach i lár 2015. Tháinig siad amach freisin i bhfabhar ‘mol’ comhairleach a chruthú a thabharfadh treoir d’infheisteoirí agus d’údaráis phoiblí maidir le tionscadail infheistíochta.

Tógfar an ciste ar ráthaíocht €16 billiún ó bhuiséad an AE agus €5 billiún ón mBanc Eorpach Infheistíochta.

Aeráid infheistíochta níos fearr san AE

D’iarr ceannairí an AE go ndéanfaí gníomhaíocht thapa lena ndírítear ar ‘an timpeallacht rialála le haghaidh infheistíochta’ a fheabhsú:

• comhtháthú níos fearr ar mhargaí caipitil
• rialáil níos fearr: dlíthe níos simplí, a ndéantar a dtionchar a thomhas go cúramach
• cur chun feidhme agus forghníomhú níos fearr ar dhlíthe an AE, go háirithe iad sin a bhaineann leis an margadh aonair agus le hinfheistíocht

Maidir le forbairt an mhargaidh aonair, d’iarr ceannairí AE ar an gCoimisiún togra a chur síos le haghaidh aontas fuinnimh Eorpach a mbeadh sé d’aidhm aige líonraí a nascadh thar theorainneacha, feabhas a chur ar shlándáil fuinnimh na hEorpa agus a cuid astaíochtaí a laghdú.

D’iarr siad freisin go ndéanfaí iarrachtaí níos mó chun an margadh inmheánach i dtáirgí agus i seirbhísí a thabhairt chun críche.

Dúirt ceannairí AE go ndéanfadh siad athbhreithniú ar dhul chun cinn tionscnamh a bhaineann le hinfheistíocht ag na cruinnithe atá le teacht i mí an Mhárta agus i mí an Mheithimh 2015.

• Ráiteas ón Uachtarán Donald Tusk tar éis an chéad seisiún oibre den Chomhairle Eorpach

Le haghaidh tuilleadh eolais agus físeán de preasagallamh deiridh inné, cliceáil anseo.

Comhroinn an t-alt seo: