Ráiteas ó Uachtarán Pharlaimint na hEorpa #AntonioTajani maidir le todhchaí an Aontais Eorpaigh

D’fháiltigh Uachtarán Pharlaimint na hEorpa, Antonio Tajani, roimh an trí thuarascáil ó Guy Verhofstadt, Mercedes Bresso, Elmar Brok, Reimer Böge agus Pervenche Berès a bhfuil sé i gceist acu an díospóireacht ar thodhchaí an Aontais Eorpaigh a oscailt sa suí iomlánach inniu. 

Dar leis an Uachtarán Tajani, “Ní mór dúinn an bhearna idir an Eoraip agus a saoránaigh a líonadh. Tugann Parlaimint na hEorpa a treo soiléir do thodhchaí na hEorpa le haghaidh Aontas a fhreagraíonn d’ábhair imní na saoránach agus a sheachadfaidh torthaí níos nithiúla.

Tá Parlaimint na hEorpa i gcroílár na hiarrachta seo chun an Eoraip a neartú chun í a dhéanamh níos éifeachtaí. Ní mór dúinne, mar ghuth na ndaoine, a chinntiú go bhfuil saoránaigh i gcroílár thodhchaí an Aontais.

Caithfimid cur leis an rath a bhí orainn le seasca bliain anuas agus sinn ag foghlaim ónár gcuid botún. Caithfimid an Eoraip a athrú, ní í a lagú. Is dúinne é seo, ach freisin do na glúnta atá le teacht a bhfuil Eoraip níos sábháilte, níos rathúla, inbhuanaithe tuillte acu a dhearbhaíonn go bhfuil sí ina ceannaire domhanda agus a dhearbhaíonn ár luachanna ar fud an domhain.”.

Comhroinn an t-alt seo: